البارحة ساهر والعين مانامت=حتى صلاة الفجر لجّت مساجدها
اشغلت بالي وجوالك على الصامت=ادق الارقام من حبك وارددها
مرتاح بالك لكن قيامتي قامت=اقول غيبتك هذي وش مقاصدها
لولاي خايف عليه يفرح الشامت=لرمي بروحي على روحك واجودها
محبة ماتجي من قلب مادامت=ادنى خطية تكنسلها وتبعدها
عذلت نفسي لكن طيورها حامت=على بحور الهوى قامت توردها
وعزي لنفس على درب الهوى هامت=ازعاج وافكار واحلام تراودها
والناس لو تفهم الموضوع مالامت=صورتك حتى بحلو النوم اشاهدها