ياللي عرضتي عنوةٍ بدروبي ... العيب عيبك والذنوب ذنوبي
اما تبادلين الخفوق الممحل ... والا عن العشق الموهق توبي
ياللي جمعتي فيك مالا يجمع ... لاتشحبين بوجهي المشحوبي
تشتتي مثل شتات امتنا ... عقب صلاح وعمه الأيوبي
وتجمعي مثل تجمع ربعي ... على الشرف والرفد والماجوبي
خلي عنبك يصير طولي وانتي ... إلليا احتضنته لوسمحتي ذوبي
ذوبي مثل أحساسك التلقائي ... لاقمت اغازل مسمعك باسلوبي
تنخبوي مثل قصايد غازي ... وتشعبي مثل خليل النوبي
ياليت في جوفي قلوبٍ واجد ... عشان احبك في جميع قلوبي
نعم احبك حب ماهو عادي ... حبٍ من اقصى خافقي مجذوبي
حبٍ كثر ماذقت واتحملته ... متسرمدٍ في ليلي الأثيوبي
ارجوك ياعين العديم الصافي ... لدي اليا مني دعيتك صوبي
الصدر بيتك والضلوع ضلوعك ... نامي على جنب السعه بجنوبي
واليا ايقضك قلبي وحن وصوت ... مغلوب وهذي حيلة المغلوبي