[نور]

يــــمـــــه ..

[POEM="font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يمه .. الى ما الحزن !! يا كل الحياة ؟؟=طال الطويل ويوم لك .. والفٍ عليك

كم بلتّ الدمعه عطش عرق النبات=وكم شحتّ الغيمه على صحراي .. ذيك

يمه .. لمحتي في عيوني امنيات !!=والمشكله ..!! حلمي على حطة يديك

واقول بعيون الرضا : مافات .. مات=واثر الزمن لعبه .. ومشواري شريك

ضميني أكثر .. واحضنيني للسبات=ودي أنام بحضنك الدافي .. وايديك

وارمي لي اطواق السعاده.. والنجاة=خليني أهدا .. دام انا منك .. واليك

الجنه.. تبقى تحت رجل الإمهات=ماهوب عيب ان صحت في لحظه .. ابيك

ضميني أكثر .. مابقا كثر اللي فات=بشكي تعب دنياي .. يرحم والديك

واقري علي الفاتحه .. والمرسلات=وماتنزل به على (( طه )) نبيك

وادعي لي الله .. في سجودك .. والصلاة=إدعي لي الله .. وارفعي له راحتيك

إتصدقي ..!! لو ضرني كف الشتات=أأأأرتاح .. لو قلتي لي : اسم الله عليك[/POEM]

لشاعر المشاعر .. جاسم بن همام ..


نور..