اقتباس:
المشاركة الأصلية كتبت بواسطة فايز بن جبيل
تعودنا على الغيبه ولا انتي باول اللي راح
...................................ولا ني طارد اللي يحتريني اطرد ركابه
انا طبعي ثقيل امشي على هوني وانا مرتاح
.............................ولاني معنّي الخطوه على حسابه على حسابه
طويل البال ماضاقت عليّ وخاطري مزاح
............................. وسيع بطان اضحك للجروح تروح مرتابه
غني النفس مايرجي عسلك ويطلب التفاح
.............................وانا لا من شربت من الشهد وش لي بعنابه
احاسيسي تبي لمسة وف اياطير ياسواح
.............................علامه لانفض ريشه تولاني بمخلابه
تعلمنا يصير الجرج جرح ولا يصير سلاح
.............................تعلمنا الرحيل بجرحنا لو نسفه ترابه
تعلمنا الشقا قبل السعاده تعرف الفلاح
............................. تعلمنا العرق قبل الارق/ والوهم واكذابه
تعلمنا الغرق قبل البحر والموج والملاح
............................. تعلمنا نعيش لموتنا/ ونموت لاسبابه
تعلمنا بياض الوجه مبطي والوجيه اشباح
.............................تعلمنا تصير قلوبنا بيضاء ولبّابة
غواك البرق مدري يبعدك براقه اللي لاح
.............................علا وسمٍ بعيد مارعيتي العشب بغيابه
ترى مهما سقيتك من مشارية العتب نزّاح
.............................انا لي خاطرٍ ما يرجي الهتان لخصابه
انا لي قلب ماحطه رهن وخنجرك ذباح
.............................وشد ك بالخفوق اذا ذبحته ليه نحيابه
نعيش ولا يصير القلب بيدك خاتم ومصباح
.............................واعيش برحمة كفوفك وتطعني بسبابه
اموت بزحمة اوجاعي ولا اعيش بكفن جراح
.............................وا شوف الموت بعيونه تكفيني به اهدابه
على هونك تراي ماكل قلب يهتوي مرتاح
.............................وعمر المهتوي ماجاب وصله غصب وطلابه
الا يا بعد كل اللي يجي لاتنوي المرواح
.............................واذا عزمت لا ترجع لقلب بيّح احــــزابه
وربك حبٍ براسي وربي لابعد ماطاح
.......................ياكود اضحك بعين اللي نوى يضحك لي بنابه
عنيد ولا نقضت اول مواعيدي معك يا صاح
.............................تجي والا تروح ماهو بنا اللي يطرد احــــبابه
|
الله يعزّك يا ابوهيف