[حنان عسيري]

,










,





يبه وانا من بعدك ابـو التناهيـت
مامـر طعـمٍ للحـزن مانهمـتـه

يبه ( يبه ) كلمه وانا كل مااوحيت
كلمة ( يبه ) صديت والوقت لمته

يبه ( يبه ) كلمه وانا كم تمنيـت
اهدم بها وابني بها اللـي هدمتـه

يبه وانا لاضقت رحت وتهجيـت
ركون بيـتٍ ضـم حلـمٍ حلمتـه

يومـك تعلمنـي الامـن تحاكيـت
درس الحياه اللي كبرت وفهمتـه

هنـاك كانـت دلتـك لاتقهويـت
وهناك كان يساق طيـبٍ حشمتـه

وهناك ايه اذكرني هنـاك خليـت
طفلٍ مـلا بالدمـع دربٍ رسمتـه

هناك جاني علمـك انـك توفيـت
وهناك خاويت الشقـا واحتزمتـه


( ..................)