قوليله هذاك اول
قوليله ما عدت ابالي
قوليله اني من اليوم ما ودي حتى اشوفه
قوليله هو من البدايه في قلبي ما كان غالي
اتمنى تعمى عيوني ولا اني المح طيوووفه
كل شي ترى له نهايه
ما ابيه يطلب وصالي
ما ابيه يسأل عليه
ما ابيه يشكي ظروفه
قوليله خل ينفعونه
دام اتعبرهم اهالي
الله معاهم معاهم لا ما عليهم حسووفه
انا الي استاهل اكثر
انا فتحت له مجالي
عطيته حقه وزياده
مسك حناني بكفوفه
اهديته احلى قصيدي
وسهرت عشانه ليالي
احاول اكتب عشانه قصيده فيها وصوووفه
كان القمر في سمايه
والله كان القمر في سمايه
اشووفه هناك عالي
تصدقين نوره عشاني
ما كنت اقدر اشووفه
واليوم صار بيننا غيم
وحتى لو الغيم زالي
ما اقدر احبه لانه خوف عيوني بخسوووفه
يظن هوكله احساس
بس للأسف قلبه خالي
يلعب على نفسه
يظن روحي لعينه شغووفه
شسوي بشخص بايع
شسوي بشخص بايع
شسوي بقلب سالي
وانا الي كلي مشاعر
والروح دايم عطووفه
قوليله ينسى ويبعد
قوليله ماله ومالي
خلاص هذا قراري وما ابي اسمع حلوووفه
قوليله الايام تمشي
ومن فوق في رب عالي
وكل الي سواه لازم يجيله يوم ويشووووفه
للعذب طارق المحياس ( إحساس قلب )