نايف السبعان :
فــدوه لـنــور خــدك خــدي ريـتـه
و أحس جسمي بنظرتك خدريتـه
شـــــاي بـنــار قـلـبي خــدريـتـه
شحلاته يصير مـن نشرب سويّـه
أنا :
شحلاته الشاي يوم أقعد بجنبك
يطول الوقت ولا تخدر بجنبك
انا شويَّه بقي بعقلي وبجن بك
وأهذري بك على روحة وجية
*************
أنا :
سمعت اللي حكوا عني وشكولك
مِصَدِكهم إِنت .. فيني شكولك ؟
تكلم كول فهمني شَكُو لَك
ربع ساعه تناظر في عنيا ؟
يقولوا اِنك تِبي هجري وتَركي
وبك موال له جاهز وَتَركي
امس شفتك ضحكتي بوجه تُركي
وقالوا الناس شافوكم سويا
عليم الله ما باليد حيله
وقلبي هد نبضاته وحيله
تصدّق يوم غافلني برحيله
لو انّه مات كان اهون عليّا
انحنى غصنك على صدري ومال
تحسب انّه طفش قلبي ومال ؟
إذا يزيّن حياة الناس هالـ/مال
فانا انتي زينة الدنيا بعنيه
