كل ماجيت أسألك عـن سـر دمعاتك بكيت
ماقـدرٺ أشــوف عينك بالمـدامـع تختنق !
لا تجاملني وتضحك واضحة لو ماحكيت
لا تصور لي حكاية من فراغ وتختلق ..
كل مافيك يتكلم ، حتى في صمتك لقيت
إن سهم البعد نافذ وابتدينا نفترق
ويش أقول لدمع عينك والقصور اللي بنيت ؟
وكيف أصبّر قلبي اللي بين ايدينك يحترق ؟
أدري أنه غصب عنك وأدري انك مانويت
وأدري أنه في زمنّا حتى حلمك ينسرق
بس لا تبكي طلبتك وسوي نفسك مادريت
والاّ انا حظي وأعرفه ، مع زماني متفق ..
لا بغيت افرح ثواني قلت : ليت وليت وليت
ليتني ؟ وباقي كلامي وسط صدري يختنق
امسح دموعك فديتك وابتسم لامن طريت
وجيت في بالك وقل لي : كان لازم نفترق