تصدّق ياللي اغيابك يعذّبني مدى لسنين
تصدّق لو أقول اني تتوّهني مَدَاراتي
صعب حتى مُداراتي
ولا يقوى الحزن فيني سوى يتقن مجاراتي
وكل ما غيّرت شمس الضحى جوّي
يمرّ اثنين
أبد ما جمّعت دنيا وله شوق وْ غلا قلبين
مثل هذا وذاك اللي سكن أبياتي وْ ذاتي
وأبد ما فرّقت دنيا الوله شوق وْ غلا قلبين
مثل هذا وذاك اللي سكن بالماضي الآتي
حبيبي لو على هالجرح
أنا بتحمّل اجروحي
ومن قال إني اتألّم
رغم كثرة معاناتي؟
حبيبي لو على ليلي وعن جلساتي بْروحي
تعوّدت القهر حتى غفى فيني وحوباتي
غصب مقدر أسامح لو دريت ان العفو مسموح
ولو حارت بي الدنيا تبي بس توصل ارضاتي
مَرَاح أشفق على ناسٍ تجاهل صوتي المبحوح
بدت فيني علامات التعب تستعذب أوقاتي
ولا بيدي سوى : يَ الله تقوّيني ع مأساتي !
ويا ربي تذوّقهم طعم حبي ونكهاتي
,
حبيبي أدري
وْ أدري
تفاجأت بْ قسى قلبي
وحسيت بْ صخب عاتي
وكنت أرقى على هام السحب من رقة اشفاتي
ومن رقة أحاسيسي
ومن رقة مساحاتي
تغيّر كل ذا لنّي بعد عينك أغيب اكثير
خصوصاً لا حضر بُعدك وأشواقي ووحشاتي
أصير اللي عمر قلبي مَرَاح يْصير
غصب مقدر أكون أكثر من ادموعي وشيباتي
ولا أقدر ألاقيني سطر مرَّتْه ممحاتي !!!