[أنثى جموح]

وقرّب عيد ميلاده
وهو في صوب
وانا في صوب
وجع ساده
مع اشوية قهر مطحون
وبْعاده
علي مكتوب
وشي زاده !
,

أفكر كيف أبي أهديه
قبل لاهْدِيْه .. إيش أهديه؟
وكيف آنا أبوصل له؟
وكيف أعطيه؟
يَ ربي إيش أنا بعطيه؟
,

حبيبي ياللي فْكلّ اتجاهاتي أنا ألقاك
واذا جيت ألمسك خقّيت
واذا في غفلةٍ مني يدي حطيت...
اصحصح وألتقي نفسي معي لْحالي
حبيبي شفت نوفمبر حضر وآنا على ذكراك
كثير فْجدولي حطّيت
لكل اللي عرف إسمي
وكل اللي أنا لاقيت
سواك انته
لان انته
على بالي
ويا كم ساهر لْيالي
ولا غفّيت
سوى بآخِر رمق فيني تواسيني
هالُوْساده
,

يَ ربي إيش هالعاده!
فِكل مره أجي آبسألك عن شي
أو أحكيلك عن أي شي زي:
"قرب عيد ميلادك"
خجلت أسأل
طواني طي
شعورٍ مو كفو يسأل
عن أحوالك
وعن أي شي يحلالك
غصب يخجل
يخي أهبل
هالإحساسي
شسوي يا بعد كل الهدايا والعطا والياس
إذا صارت حكاوينا تداولها قلوب الناس
وتحكيها
بعض منهم يعزّيها
بعض منهم يحلّيها
وأنا مدري!
إلين الحين اتساءل
يَ ربي كيف أبي أهديه؟
قبل لاهديه .. إيش أهديه؟
إيش اهديه؟
إيش أهديه؟
إيش أهديه؟