[عبدالله العويمر]

ياصــاحبي بعــض الهــدايا رزايا

ــــــــــــــ نقـص ٍ علي اللي ينتظرها واهلها

مثــل المصـير اللي جـميع الحوايا
ــــــــــــــ تسـوق فـيه مـن الذبيحه وسلها

مــافـيه خـير ولا يعـشي قـوايا
ــــــــــــــ من ذاق لقـمـه قـافيتـها تـفلها

والهـرج مـايمـلا الـيـدين الخلايا
ــــــــــــــ اليـا زاد غـيّم فـالكبود ودبـلها

ليـن انهـا تاصـل حـدود القـصايا
ــــــــــــــ مع دمها ومجـراه يجـري زعـلها

مـار الكـلام اللي يكـف الـحكـايا
ــــــــــــــ من ضامري غش السوالف غسلها

قـل لليـدين الـلي عـليـها كوايا
ــــــــــــــ ارزاق خـلـق الله تـرى الله كفلها

اللي مخـازن بـاب جـوده مـلايا
ــــــــــــــ لاتحـسبـون انّـه عليـكم تكـلها

الا انهـا تخـفى عـليه الـخفايا
ــــــــــــــ ليـا من عـقال الـسـوالف عقـلها

اللي ورث حاتم بزيـن السـجايا
ــــــــــــــ اليـا تـراكا .. والـشـوارب فـتلها

حضر لك الـغـايب وسـوى سوايا
ــــــــــــــ مع كل مجـدال ٍ ذلـولـه جـدلـهـا

وان طـال عمـره نـاوي ٍ له نوايا
ــــــــــــــ يبي يشـارك بالـنفـوس اوبجـلـها

ويبي يعـمـر للـحفـاة الـعرايا
ــــــــــــــ ابـيـوت مابجـدودهـم مـن نزلـها

بالهرج .. والا اليا تركنا الحكايا
ــــــــــــــ تقـاطعـت ذيك الـسـوالف اعـلـلها

غيـّم سـماه .. ونشـفن الشفايا
ــــــــــــــ وارضـه عـن الـلي قـال شربت بللها

سبيل بن سند "رحمه الله"