*
*
دلّوعتي !
طفلتي البيضـــــاء !
يسعد صباح الكرز
والتوت !
هاتي من إيدينك ..... القمرا
ماهو عشاني
عشان الناس !
قومي لجل يعبق الكـــــــــادي !
هزّي بخصرك .... يطيح النور !
*
*
جبينك الصبح وإشراقه !
بنت الشموس إنتي
وأشرق !
يغازلك فجر خلق الله !
يسرق من أنفاسك
رياحه !
يابخت بخت الندى ياناس !
لاطاح في خدها
الناعس !
يابخت رمشك سكن عينك !
يحضن عيونك
يبّوسها !
يابخت شامه تضمّ الخّد !
مغرورة الحسن
والهيبه !
يابخت ضحكتك بشفاهك !
مغروس فيها
الحبق والتوت !
ألـــ يـــــــــاه من شفتّك : قاموس !
مافيه غيري
يترجمها !
*
*
ياطفلة الصبح .... زوريني !
نسمة مطر !
وأغسلي خدّي !