[حنين عمر]

دعاية لـ [[ ماركة ]] عطر !!!
لـ: حنين عمر

يا قهرها /
هذي المدن اللي الزمن راح ونـَــساها/
والكبت علّم نِــساها : الحب نزوة...والشعر : حمرة شفايف أو طريقة مكيجه/
هذي المدن اللي سَمَـــاها تذكرِت/ واللي أرضها تذكّرِتْ/ وتأنـّـثت فيها الرجوله/ الحق فيها نظلمه والجور فيها نغنّجه .

هذي المدن الي تآكل قلبها/
والمرّ خالط شــُــــــربها/
متفككة بفوضى خرايطها الحزينه...
مضيعة المفتاح فيها/ ما درينا.... شرقها من غربها /
لما نسائلها يجاوب صمتها/ لما نعاتبها ...تسكر سمعها/ وبضعفها متحججه.

يا قهرها.../
ويا لوعتي / لميت بايدي مانزف مني عليها / الجرح جرحي ...ومن إيديها/ كل آلامي ولكن ْ...
مـــننا هذي الأماكنْ .../
من نسافر ...
كلها تسافر معانا / وإن قسينا ... وإن عمرنا بغربته ضيّيع سنينه /
عطرها .../ مهما ابتعدنا ملتصق فينا بحنينه / بكل دمعه في المنافي... للمنافي نروّجه.
حنين///