[عبدالناصر الأسلمي]

لو يصير نأجل الدمعــــــــــه ثواني

كان ما صار الهوى ماضي وبكيته
ولو ابي ارجع واحـــــب اليوم ثاني
كان كل من حبني قمت وسليته
ولو يصيرن لي حقايق هالامانــــي

كان كل ايام ماضـينا رضيــــــــــته

ولو يصير العشق معكوس المباني

كان يصبر قلبي اللي كم جفيته
لو يصير..ولو ..لو..ما صرت اعاني
وصرت متعب من هـــوى حب حميته
وين راح يصـــــــــــير والآخـــــر أناني
ما يهمه غير مصلحته وليته

ليته يبين لي وش يقصد بـ آني

آآني مااهواك...هذا اللي هويته