لا اعلم لما كتبت بالاسود
ولكن
هو الليل
[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قيتارة : الاح ـزان ..يا أم الموا : ويل=لا تزعجين الصوت ..والوقت ..طايف
خلي ..الغرير ..يلملم جراحه ..ل جيل=عاش السخا :يف ..في سماء السين لايف
واعطي مجال الناي ..يفزع لك ..بشيل=نزق القلوب ..ودوب ..هالنزق ..رايف
ل اجل السنين اللي مضت ..ياضيا الجيل=خلي ..خوي الناي ..هالليل ..كايف
ل الغيمه ..اللي غربت بي ورى سهيل=ل سهيل ..لامن طاح ..لوله ..ذرايف
ل الماء ..ل إضماء الروى ..ل التفاصيل=ل الحزن ..ل حداد السنين العجايف
ل الصمت ..في صوت الصدى ..ل المناديل=غيم ..تضولب ماطره ل الولايف
ل الاه : لامن ْ..اح ضنت أوفها ..حيل=سيل ٍ..روى الوادي ..وجاء منه طايف
صيد ..وقص يد ..وهمـ/ هـ/مات ..ومواويل=كانت بدايات الضياع ب طرايف
حتى لقيت ..إحساس مافيه ..تمثيل=مابين صادق حب مع حب زايف
كان العتب طفل ٍ يخاف أول الليل=ومن عام راح الليل ..والطفل خايف
يا أطعم فناجيل الهوى ..بالفنا/جيل=من علمك ..تمر ..جمر الشفايف
ما قلت لك ..إن الهوى لانحرف سيل=يقش قشعٍ ..هرقلته السفايف
وانا لي اعوام ٍ على المرح ما اشيل=واقف أعزي العمر لا مر طايف
كني ..طفل ..ميت ..على سرجة الخيل=في مخمعي ٍ ماتجيه الولايف
أضحك بحزن ..واعطي الحزن قنديل=يشعل سماء نوءٍ سمته الكلايف
خبل ..بدوي ٍ عاش عمره بها:ديل=وحاول يشوف اللي ماهو يوم شايف
وشاف الصحيح ..اللي يصحي الرجاجيل=يوم أضلمت دنياه واحياه نايف
طفل ٍ لفاه ..وقال له يايبه ..ويل=ويل الخفوق اللي له أعوام ..خايف
يبه يبه ..كب الامل ..مابقى حيل=خل المساء ..يابوي ..واخذ القطايف
من نادرات النازفات ..المواويل=الواضحات ..الناضحات ..العفايف
اللي لهن ..في عالم الحب ..تأويل=المنهيات ..لكل ..حلم ..ووصايف
المفردات ..النايفات ..بمدا : الكيل=الكايلات ..اللاينات ..الخفايف
المثقلات ..بكل در ٍ..ضوى الليل=المضويات ..بكل ليلٍ ..المضايف
بيض ِ ..يخلن من سرج له من الخيل=مهره ..يعيد السرج ب احساس كايف
من يوم دفن بودي الحب ..ماقيل=عنْه ..بهذا الجيل (ح ب : الخ : طايف)
ياضبية الوادي ..اذا حدر السيل=بالك ..تجين بيوم حول ( الجرايف)
عيشي حياتك ..واضحكي ياضيا الجيل=ما ل الحزن ..تنور يخبز رغايف
الليل باب الفرح ..والصبح به ليل=فيه النجوم ..تدور حول ( ....)
يافلوة الوادي ..وياغيمة ..الريل=طاف القطار ..ولا وقف ل الوقايف
والغايب ..اللي من غيابك ..بتسميل=خليه ..ل فتوق الزمن والهوايف
خليه ثامل ..غدر ..لو يثقل الشيل=ما ل الحول الكايده غير ..عايف
خليه ل اللي كان ..يافلوه ..حليل=طفل ٍ ..تمزق ..مابقى الا ..نتايف
طفل خبل ..زرع ..وشاف المحاصيل=تعطى لغيره ..وانكسر ..ياحسايف
طفل ..رسم حلمه ..على كف منديل=ودمع عليه ..وشقه الدمع ..شايف ...؟
حاول ..يلمه ..ماقدر ..قشه السيل=واصبح يشوفه ..طيف ..لامر طايف
دام الهوى ..طفل .غدى مهاده الليل=لملم ضياء القنديل عن طفـ :ل ..خايف[/poem]