[محمد بن منصور]

السلام عليكم ورحمة الله وبركاته
.
.
.
.

أسْتحْلفك بالله يا ضيّ القمَر , خلّك هنا
ـــــ حذْراك تتْركني على حدّ المواجع والسّهر

أبغاك لو شحّ الضّيا , تملا سكوتي بالغنا
ـــــ ظلمى مشاويري وانا ملّيت من طول السفر

ودّي بضحكة , كفّها يقضب تلابيب العنا
ـــــ أقتل بها الأحزان , واترنّم معا صوت المطر

وإن طلّت يا ليل الشقى, يبقى مردّك للفنى
ـــــ موعد وفاتك تنكتب فيه الحياه إللي تسر

من لايذوق الهمّ , ماذاق الفرَح وإلا الهنا
ـــــ لولا سواد الليل ما شفنا ملامح للبدر

أول مراسيل الغيوم , الممطرة برق وسنا
ـــــ والمسألة ياصاحبي , تحتاج لشْويّة صبر

من طينة الآمال , شيّدنا .. جسَد لأحلامنا
ـــــ لو ضاقت الدنيا بها , عشنا هواها في الصدر
.
.
.