أبوذيات فيسبوكية
أكرم : 
فقير يدوّر الرزق/ السّعه
وصدره ضاق قام يو/سّعه
نفض حظّه وحظّه لـ/سّعه
يموت احسن بلا له هالأذيه
***********
فقير وعارفٍ قدره ومَقامه
ولا يبرح ولو دفّه مقامه
كتب شعر وكتب نثر ومقامه
وآخرها عجز يكتب وصيه !!
***********
فقر لازمك وانت بوسط مهدك
تهده.. ولا رضي مره يهدك
كتم أنفاس حلمك لين هدك
شكو لو قال لك حقك عليه ؟
************
ياسر آل حيدر :
كبير ومبدع و لك حس طيب
واذا ناديت حرفك قال طيب
وقلبك صوب اهل الفيس طيب
وجيت آعلمك من طيب نيه
***********
أكرم :
يـ/ياسر آه لو تدري يـ/ياسر
تراه الطيب مثل الفقر آسر
ولا يخفى ترى عنّك ولا سر
فقير وجاتني حروفك عطيّه
***********
ميساء رزق :
من يكتب شعرا و نثرا ليس بفقير انه من اغنى الاغنياء
ليتني اكتب شعرا واحد ثم اموت
***********
أكرم :
يـ/ميسا احفظي قدرك ومالك
وخلّي عنكِ هالسيرة ومالك ..
ومال الشعر منهو صار مالك ..
حروف الشعر صار أكبر ضحيه !
***********
ياسر آل حيدر :
يااكرم لوبتشكيلي يااكرم
اخاف اقول من دلتك اكرم
انا اكرم منك ولا انت اكرم
واظن ان حن في الدعوا سويه
***********
أكرم :
فقير ومثلي يا ياسر ودلّه
تصب اِلنّا وكِلٍ فقره دلّه
تخيل لو ملكنا بُرج دلّه
تظن يبوق واحدنا خويه ؟
**********
ياسر آل حيدر :
عن اذنك ياولد باقوم اصلي
ولو تدري وش الليله حصلي
كلامك ليت ياكرم ماوصلي
وترى الذمه من الذمه بريه
**********
أكرم :
ترى مهما يكون الي حصل لك
تعده في يمينك هو نصل لك
تصدّق قبل شعري يوصل لك
نصل كفي رميته ورَد ليا !!!
**********
أمس جيت آتسابق ويّا فقري
وقمت " أقري " وقام الفقر " يقري "
سبقته وطِرت مير بوسط " حِقري "
لقيته يوم وصّلت الحويه !!
**********
صديقي جيت ابي منه سلف
بردّه مير في نهج الـ/سلف
بدون أرباح لكنه .. سلف ..
هرب منّي ولا سمع القضيه