[أنثى جموح]

الجسور العصبيه

العَقْلِ مركز للمراكب و العصب جسر العبور
و الفكْر هيكل منشأه نسعى الى تجسيمها

و المخّ بحرٍ للجسر و الجلد مانع للظهور
و الجمجمه تحوي الدماغ اللي حوى تقسيمها

كل الاوامر تنتقل ضمن العصب عبر الجسور
حتى توصل ما اتفق بالبرمجه و تنظيمها

و اليا وصل سيل المنبه للقلب وسط الصدور
يستقبله ذاك المحفز و النبض بيقيمها

هاذي الاوامر كلها تصدر و يحكمها الشعور
و العين تبدا المسأله اليا اعلنت تقديمها

و اللي يزيدك يالنبض سيّال ناتج من سرور
او شوفة اللي تسحره او لا نوى تكليمها

و الملتقى بالروح عامودٍ على الدقه يدور
و الناتج اللي ينطرح اكد لها تصميمها

و النفس مخزن للوفا و الغدر و انواع الغرور
و اللي تأكد مصدره اشيا صدر تعميمها

ليت الاوامر تتفق و الناس تفهم و الحضور
و الجاهل اللي ما افتهم يضعف على تقييمها

هذه القصيده امرقّمه كوداتها تهوى النفور
و ارقامها جوا العقل لما وضع ترقيمها

ناتج طرحْها موجبٍ او سالب بْليّا كسور
ذا الليل يسهرها و ذاك الفجر في تحريمها

ذي مسأله والمسأله تبغى لها حلٍ جَسور
فالقلب كل المشكله و الحب هو تحطيمها


26/1/2011
بـــــــقـــ أحمد شطناوي ــلم