نفس الغريب اللي تركته والرصيف
دافي وصيف.
نفس الغريب اللي يتمنى ضحكة احبابه
حنين..
ذكرى السنين..
وحدى على اعتاب الضما.. روحي سما
وهمومي مجرات.
نفس الغريب.. استجمع الفرحة واذوب
مثل ارتجاف السكر بشفة تعب.
وقهوة يشاركها الحبيب. بسمة حبيب
لكن افزّ من آخر الفنجان.. غربة
والشعر قربة .. حروفه من يباس
نفس الغريب ومعطف أكتافه أمل
وأحبابه بعاد.. وسواد الليل طافه
والنهار صيف.. على نفس الرصيف
اللي ابتدا منه غريب
وكل ما زاره غريب
نفس الغريب