[ثاني الدهمشي]

اعتذر عن الغياب والله يا احبائي في ابعاد الشعر ..

واهديكم هذا النص لعله يشفع لي ..

:

[poem=font="simplified arabic,7,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وقْــفـة تأمل من ورى حلم مأمول..=في مجتمع عاش اوعياه بمتاهه..
الداعيه مضطر يتناقض القول..=والمفسد ازداد اتّـساع وشـراهه..
والمحترم مَنفي ومَنسي ومَعـزول..=والإمّــعَـه بالمـــال صاحب وَجاهه..
والكل يجري خلف ابو لسان معسول..=لو كان عاصي في كلامه إلاهه..
والناصح مْرائي حَمَل فـكْــر مشلول..=والواضح آراءه تجـيّــر سفاهه..
تعالَم الجاهل وابو العلم مجهول..=والغاوي اي منبر يشـدّ انتباهه..
والواقعي مرفوض والوهم مقبول..=والجَـد مضمونه ضحية فكاهه..
الناس تاكل بعْض والمصلحه ( غول )..=فاتح على عوز المخاليق فاهه..
يسترزقون العبد والرزق مكفول..=للآدمي من قبل تنطق شفاهه..
ضياع ( من حاكه )؟ ومن عنْه مسؤول..؟=من كان يدري ما قوى زفـر آهه..
شبّاكنا مفـتوح والباب مقفول..=نطــلّ بس .. ونعتبرها نقاهه..
العام ما ياسع سوى أربع فصول..=والاربعه تبغى رجل ذو نباهه..
الذيب يرقب راعي شياه مشغول..=والراعي استسلم لمذبح شياهه..
طول السنين اطاحت بخشم ابو الهول..=وطاحت من الأمّه أصول النزاهه..
[/poem]