ماكرهتك ربي يعلم لا ولا عمرك تهون
عاذرك لا أخترت تبعد رح ولاتهمك سنيني
عش مع غيري وشوف اشلون هالدنيا تكون
كيف باكر في حياتك كيف ترجع ترتجيني
في صلاتي ادعي ربي ياعسى تتـوفقون
هذا مادام اختيارك رح انا وش في يديني
ياحبيبي كان خايف تترك بقلبي طعون
رح عسى ربي يبيـحك يابعد قلبي وعيني
قلبي صادق بحبك ماقدر يقسى ويخـــون
شوف أنا ضاعت حياتي احتري باكر تجيني
احتريتك ياحبيبي في عيون اللي يجون
احتريتك كان ودي في حنانك تحتويني
اعترفلك اني تايه عـــاشق لحد الجنون
اني واقف في شموخي بس ميت من حنيني
غصب عني يوم شفتك بان حبي بالعيون
ماعرفت اشلون أخبي وانفضح كل شي فيني
وش بيدي ياحبيبي يوم خانتني الظـــنون
وش بيدي وانت حـاير ماتبيني أو تبيني
قالوا مشغول بحياتك قالوا ما لايعلمون
ياعواذل وش عليـكم ليه انتم حاسديني
وكان ربي ماجمعنا ماكتب ربي يكون
ما كرهتك ربي يعلم والقدر بينك وبيني
( صح لسان قائلها )