[أنثى جموح]

........



مختلف جداً وربي مختلف
.............. آه يالجابر صحيح انك علي

بالشهادة لازم إني أعترف
.............. إنك اللي ما يوفّيه الحكي

لكن إسمح لي إذا سطري رجف
.............. لجل أعبر عن سعادتنا بشي

مثلك اللي عايش بْ عِز وْ شرف
.............. مثلنا يفخر بأمثالك يَ ضي

ما يموت اللي لجل ربه نزف
.............. باقي ٍ بقلوبنا عايش وحَي

يا عسى ترقى جنانك والترف
.............. في مكانٍ ما لقى فالكون زي

سطّر التاريخ في دمٍ قطف
.............. من عنب فردوس واتلبّسْ حُلِي

وصّل الأخبار للي ما عرف
.............. بيّن الخاين من الشخص الوفي

يا عسى نلقى نصر ربٍ عطف
.............. في ديارٍ ما بها غير التقي

وانتلاقى في عدن بحلى غرف
.............. نفرح بْ شوف الصحابه والنبي

مختلف جداً وربي مختلف
.............. آه يا روعة مكانك يا علي