فن خارجي : إسمه (ظروف)
واللون متمرّغ بِـ خوف
بروازي الأسود نظف
واغْبرّ بِـ حوف
لا ما نظف .. أقصد نزف بعضي حروف ..!
،
في جانب اللوحة سرير
ـــــــــــــ وبـْ جانب افراشي فَرَاشي
ترسم ألوانك واطير
ـــــــــــــ آطير في عالم فراشي
فوق ورداتك عبير
ـــــــــــــ يتعطّر بـْ فُـلّه فِــراشي
،
الريال : شي
وأشياءٍ كثيرة تكتشف به
شفت خط الـــ[ زوّر العملة ] معا شمس الضحى كيفه وعى؟
خل حسّك العالي كذا
واكتب على بنك الشعور :
"بـْ موجب القانون أنا مضمونة القيمة سواتي" ...!
،
كفايه ! بس ! خلاص إرحم دُمُوعي الله لا يهينك
ـــــــــــــــــــــــــــــــــــــــ كفاني ما وصل يفصل : [ثنائينا] إلى : ح دّ ه
ولـــو كــان "الـعـذر" عـنـدك : أبي أعذر موازينك
ـــــــــــــــــــــــــــــــــــــــ واقول ان كان لك عذرك : فَنَا عذري على قدّه
رجيتك ، لاتّرجـــاني خــلااااااااص إنسى دواوينك
ـــــــــــــــــــــــــــــــــــــــ واذا بـْ تقرا القصايد خلّ كلْ شعري على ضدّه
عــزاي اني : حفظت اسمك عن الزلــه بِتَخْوينك
ـــــــــــــــــــــــــــــــــــــــ عزاك انك : حفظت اني أحبّك طووول هالمدّه
دروبـك يالخوي تبقـى على كــيـفــك وتـزيـيـنـك
ـــــــــــــــــــــــــــــــــــــــ وانا دربي على كيفي ، ولا يـرضى أبــد نـدّه
،
إستحالة
تكتبه لحظه مُحالة
والثمالة : بامتثاله للحكي ياللي مجاله منطوي
والحق عنّه منزوي .. والصمت قاله
واختياله : باغتياله
بالتفاتات الظنون اللي تزوره في خياله
يا هي حاله
مال حظّه ، وانحنى له
صار برده مكتوي
باللي جراله
واستحاله : ما يغيّر شرهته ع الوقت ، أو ينزاح فاله !
،
أكره تفاصيل العذر لا من حضر بعد انتظار
ــــــــــــــــــــــــ النار تكويني وانا ثلجٍ غرق وسط المحيط
يخلص حكي قلبي ولا ألقى بعد ردك خيار
ــــــــــــــــــــــــ إلا أقول: [أوكي خلص] دوم المشاعر لك خليط
،
أصبحت بك ظاميٍ وأمسيت لك ظامي
بالقلب
وعْروق الحشا
والزيف : مترامي
والباب .. في وسط السما
مفتوح ينطرني
أدعي
أنا
وادعي ..
وادعي انا
وادعي
- يا ويل محبوبي-
دعوات منظامي !
،
طلبت الحق ولك حق ان تعرْف اللي حصل فيني
ـــــــــــــــــــ بعد ما صارت اجذوع الضلوع امعرّيه منك
بعد ما كانت اظلال الشعور بـْ كفة ايديني
ــــــــــــــــــ غدت لسعة غيابك تحرق ادروبٍ تِصِد عنك
،
الروح لك نار وْ مطر
تشعل غرامي بالحزن
واسكب كلامي بالمزن
وآجيب من شرق الحطب : شوقي إلك
وتجيب لي غرب الفراق اللي هلك ...
من قبل يوصلني هلك
يا ويح لك
يا ويح لك !
~أنثى جموح
بـِ روحٍ مكللة بـ "المتاعب تارة" ، و "المتاعب تارة"