[مشعل فايح]

عسى ما شرّ يا اوراق الربيع الخضر عجلى ليه
خريف العمر توّه ما ابتدى بي ما ابتدى وقته
هروبك للسما غلطة فصل ما يسمع التنويه
وهروبك للثرى غلطة حكيمٍ كنت فارقته
تعبتي.. مو تعبنا كلنا.. شنهو الجديد اشفيه
ذبلتي.. مو انا حتى ذبولي لجلك احرقته
عطشتي.. ما رواك اللي روى غيرك ولا طقتيه
انا حتى الهوى اللي فيه رحتي مرّ ما طقته
عبث منك ينوع الغصن كابرتي وشققتيه
انا حتى التراب اللي طوى هالجذر شققته
وليه وليه قولي لي من يجاوب عليّ وليه
وعدنا بالخريف اللي يجي... ولكل سفر وقته