الأهداء لكـ .. هيفاء / حنان 
انا والمزهريـه والتحـف وغبـار مكتبتـي
....................ملل في غرفتي لين اصبحت سجني وسجاني
هنا وهناك واحد دفتـري واوراق صاحبتـي
....................مثل بعضه ما دام ان الفضا سقفي وجدرانـي
سواليفي خرافـة مرتبـك تتبعثـر اجوبتـي
....................غبا لاملت حروف الهجا مـن لثغـة لسانـي
تفاهه والقلم عاف الورق من عقـم موهبتـي
....................كتاباتـي سخافـة بالعيـون اللـي تحدانـي
حنونة طيبتي واذكر نصحتك ليه مـا تبتـي
....................تجردتي سجدتي والنشيد المضحـك ابكانـي
انا والا انتي المذنب .. انا .. لا انتي اذنبتـي
....................تعبت احكي وانا اقول الغلا لا يطب وجداني
على فكره حنانك ما يوكل عيـش واعشبتـي
....................وانا ليه افرش عيوني طريق لكل من جانـي
ياليتك ما تعطرتـي بعطـر ولا تخضبتـي
....................ياليت أقدر لو بورد الحدائق أدفـن أحزانـي
رحلتي لاخر حدود الربيع هناك وش جبتـي
....................فتات الخبز والغيـم البكـر مـر وتعدانـي
بغيت اغير اطباعي واشيلك ذنـب برقبتـي
....................حضنتك والقصيد اثمر قبل لا تورق اغصاني
سلامات تطولك معشبـه للغيـم وان غبتـي
....................تظلين اخضري قبل الحيـاة تبـدل الوانـي
هداياي المطر والغيم يضحك مـن ملاعبتـي
....................خوي الغيم واسافر معه كنـه مـن اخوانـي
قصيدي يطرب التفاح يثمر تحـت طبطبتـي
....................زرعته حب للعصفور قبل اهديـه جنحانـي
يغرد كني العصفور بين اشجـاري ونبتـي
....................اريد النجم يكتبني قصيـدة حـب واقرانـي
مع اني ما ملكـت الا قلـم يلهـث بمكتبتـي
....................رسمت السجن لعيوني فضا واغتلت سجانـي !
الغيم . عدوان السرحاني