ودي ارتاح بـ جنابه .... بس وينه !؟
ملّت اقلامي الكتابه .... عن حنينه !
كلّ شي فاقد له شي !
وانا؟
على ما قيل :
"في غيابك ما تغير أي شي ، بس حسيت اني فاقد كل شي" !
~~~~~~~~~~~~~~~~~~~~~~~~~~~~~~~
فقدتك يا بعد كل الخلايق واللي ما جونا ــــــــــــــــــــ
ــــــــــــــــــــ فقدتك يا خفيف الظل يا قاسي على هونك
فقدتك يا لزيم الروح يا مضوي عتم ضونا ــــــــــــــــــــ
ــــــــــــــــــــ فقدتك يا صويب الكبر يا هاجر انا صونك
حبيبي تسأل ادروبي ضياعاتك ولاقونا ــــــــــــــــــــ
ــــــــــــــــــــ علام الوصل ما لاقى ثواني من بحر عونك ؟
وبؤبؤنا يسائلني " انا مع بؤبؤه تونا ــــــــــــــــــــ
ــــــــــــــــــــ بدينا نبحره إلا " .. إذ اعيونه يغرقونك
أصابع ايدي اليمنى تدوّر من يدورونا ــــــــــــــــــــ
ــــــــــــــــــــ وتمسكهم يدي اليسرى وتوعدهم يلاقونك
صعيبه حالة المنفي ورا سور المَرَاثونا ــــــــــــــــــــ
ــــــــــــــــــــ يسابق خطوته يلقى نهاية سوره ابدونك
رسمت أيامك الحلوه أنا وانته ويعلونا ــــــــــــــــــــ
ــــــــــــــــــــ خناجر تطعن ألوان الفضا من سبة اطعونك
تحليت ابصبر أيوب واللحظات يواسونا ــــــــــــــــــــ
ــــــــــــــــــــ عسى ذيك السحب تشهد إني بس ما خونك
بقت عندي شظايا برد تنطر من يدفونا ــــــــــــــــــــ
ــــــــــــــــــــ بقى أولك .. وتالينا .. وعد ما يوم ينسونك !!
~~~~~~~~~~~~~~~~~~~~~~~~~~~~~~~