تشرفت بالإنظمام لهذا الفضاء الجميل وهذه المساحة الأجمل في مخطط الساحة الشعبيه
بدعوه من الأخ سعد مشكوراً
:
:
:
ياطول صبري على قلبي وياصبره
................................ عليك ياللي تجاهل وانت توحيني
ياليت صوتٍ أجره وانت تختبره
............................... يرجع يجمّع صداه وينتحر فيني
واجمع شتاته بصدرٍ واسع تخبره
............................... واقفل عليه الحنايا لآخر سنيني
مليت قلبٍ يجي كسره على جبره
............................. لا هو مقدر شقاي ولا مواسيني
مدري هو الحظ وإلا قلة الدبره ..!!
.............................. كل ماتخطيت جرح العام يهديني
جرحٍ يساوم قناعاتي على العبره
............................. في حضن الاوهام ياخذني ويرميني
يفز مارد واحسه ينفض الغبره
............................. عن شرّد الخيل باهوال المياديني
وان صاح بي هيه ..!! تنزعني بلا خبره
............................... لرميه لليل قبل الصبح يغريني
هذا القلم لو خذلني باخل بحبره
.............................. لكتب بضلعٍ تغذى من شراييني
وان يبست شفاه ضميا ضامي العبره
.............................. يستعذب الما .. من اللي تذرفه عيني
ياسود الايام لو ظني على خبره
.............................. ماتسرق النوم ضحكاته وتشقيني
طير المنادي غدربه بالهدد سبره
........................... اطلق سبوقه وانا اللي تصفق يديني
اقفى تحده جناحينه على قبره
............................ وانا قبرته بصدري .. لاتعزيني
طويت ذاك الغرام وكنت معتبره
........................... لا مر سيله على اقصى البيد يحييني
يامدور العدل بين السلك والابره
............................ لاتترك الريح تلعبي .. وتذريني
لو صوته العذب يحمل للغلا نبره
........................... ماكنت اغني طويل وحزني هجيني
