.
.
لا تـغرّك دمعتي لامن بكيت .!
الحزن ضيفي : ودمـعي أجودي .!!
فتـّـش التاريخ في صدري ولقيت
أتعس الأشياء : لحظة مولدي .!!
وأبتدى جرحي وأنا معه أبتديت .
وإنقـتل فرحي وكفنت اسعدي !
من كـثر : مـ /احلم وبـ احلامي أرتديت !
أثرني بالحلم : عرّيت اجسدي .!!
وإنكسر [ مجداف ] : عمري وأحتريت
ريح : تدفعني واحقق مقصدي .!
ليه أدوّر من [ ورا ] عيوني مبيت
والسّهر جرّح طوارف مرقدي .!!
عام كامل كم كتبت وكم محيت .!
خايف الأقلام [ تشره ] من يدي .!!
كانت حروفي بسيطه واستحيت
قلت أبثبت بالطريق السرمدي .!
ماوعيت أحيان : وأدري لا وعيت .!!
للظروف القاسيه صرت الفدي .!!
قمت اقلـّـب دفتر العمر وسهيت !
كم [ ديار ٍ ] من حنيني ترتدي .. !!
ما تذللني دروبي لو مشيت
يكفي إنّي جيت للدرب وحدي .!
كنت غافي في غنا [ النفس ] وصحيت .!
مادريت النفس [ بالمال ] اتغدي .!!
ماذبحني غير لامنّي حكيت .!
كم عزيزاً [ حاجته ] بيد الردي .!!
من بيادر وقتي الحاضر خذيت !
صووت أمي كان [ ماطاح ] ولدي .!!
خوذ نوري : خوذ عيني لا غفيت .!
إنت ورد ٍ [ فاقده ] صبح ٍ ندي .!!
في [ ملامح ] وجهك الذابل قريت
شاعري من كل نهايه يبتدي .!!
بعدها صرت المدينه : بيت بيت
وأنتظر رجعة [ غريب ] لموعدي .!
مرّني حزني وهلـّـيت وبكيت .!
التعب [ ضيفي ] وعشيته اجسدي .!!
تركي عواد