لي من شعورك.. سطوته قبل جاهه
عشته تفاصيل قديمات وجداد
مرات احسه ينتخي ( بأخو شاهه )
ومرات اشمّه عطر لو قلتي بعاد
يا اللي أحبك.. ليه صرتي متاهه
وانتي اللي كنتي للفرح فيني بلاد
واذا فتح لي جوع الإحساس فاهه
رميت له حرفك وناداني وعاد
لو قالوا الغاوين.. حلمك سفاهه
حلمي واعرفه زين وعيونك امجاد
وش يعني اني في ليالي نقاهه
الجرح طاب من الحبايب و ( الأسياد)
لو بنتوقف عند أدنى تفاهه
ما تمشي اقدامٍ ولا يطاوع مداد
لا تحسبيني عايشٍ في رفاهه
وأدت لجل الحبّ قلبي والأولاد