من .. جد .. تعجبني .. كذا .. أما .. كذا .. ولاّ بلاش ..
ولاّ بلاش .. احسن كذا .. هالوقت .. لايمكن .. تعيش ..
ادري بدت في .. داخلك .. حالة .. تعجب واندهاش ..
لكن .. أبى تصبر عليّه .. لين .. أفضفض .. ماعليش ..
مجبور .. يا بعض التواضع والسموحه .. بدّهاش ..
ليه التواضع .. في وسط يزخر .. بشعار .. الحشيش ..
ليتك من أول ( ما حكوا ) .. مغضي و معطيهم طنااش ..
( لويش .. تاخذ حكيهم .. من جد .. يا عمي ... لو يش )
لا يخدعك يا صاحبي .. كثر ( التفلفس ) .. بالنقاش ..
( يا حبذا / يا هل ترى .. يا .. ) مدري أبش ومدري أبش ..
بعض الأوادم .. ( شيء لا يذكر ) .. تحت قطعة قـِماش ..
لاشفت زوله .. يعجبك .. زوله .. ( ومن جوّا ).. ما فيش ..
ناس ٍ تحسب أن الشعر .. عيشه .. ويعطيها .. معاش
/ تشرب شعر/ تاكل شعر / كن القصايد .. سندويش ..!!
ساحة تلم اللي .. تلم .. تمتد .. نحو .. الانكماش ..
يكتب بها .. حتى الكديش .. اللي يسمونه ... كديش ..!!
خلك كذا .. أحلى كذا .. أما كذا .. ولاّ بلاش ..
أصلا كذا .. و إلا كذا .. يكفيك .. في قلبي .. تعيش ..
خالد العنزي