اظماك واتبع خطوتك وابـذل أسبـاب
وانساك وانسى العشق تبقـى قبالـي
إن مارويتـك مـاي ارواك مـرقـاب
وإن زاد شوقـي لـك بليتـك بحالـي
وإن ضمتك عيني فتح قلبـي ابـواب
وارواك وصـلٍ وارتـوا مـن زلالـي
وأغمض عليك الرمش عن كل الأغراب
وإن شافتـك عيـنٍ فعينـي لحالـي
وأترنم بحبـك وأنـا منـك منصـاب
لجل إن حبـك فـاق كـل احتمالـي
واشتاق لك وأقول ذا الشـوق غـلاب
شوقـي هجيـر لـك يـدور ظلالـي
وإن ما خفـق قلبـك ولا رق أو ذاب
يكفي تشوف الحال ولو كنـت سالـي
( ... )