[ناصر حطاب الدهمشي]

المساكن

حاولت أخونك مغرب الأمس لكـن
................................ مرّن عيونك في طريقي و لا خنـت

في غيبتك ما صرت أطيق المساكن
................................ وكل قاع ايدينا زخرفتها بالإسمنـت

صرت ارتحل و اضحك للأيام ما كِن
................................ بي من غيابك روح تسألني اِمْن أنت

منفاي بيتي لي بِه اسنين ساكن
................................ يشبهني .. كني من جداره تكوَّنت

و شلون ابحيا و الغيابات حاكن
................................ اِمْن أول اسنيني كفن به تلونت

شاعِرْك لا مرَّ العيون إيتباكن
................................ كن العيون ابدمعها اتقول : لا هنت

بعدك مصايب سافرن بي و لاكن
................................ صدر ٍ لاجيت أخلّصه ما تمكّنت

ياما الليالي لـ َ اظلمن قلت: هاكن
................................ تالي ملامح بنت بضلوعها كنت

ملّيت أصبرني و انا البعد راكن
................................ فيني ما كِنِّه غير روح ٍ لها لنت

ماني وفي حتى اسألـي هالأماكـن
................................ كم ليلـة ٍ أضمِّهِـن كنهـن بنـت

.
.
ناصر حطاب الدهمشي