[محمد السالم]

المشاركة الأصلية كتبت بواسطة متعب السبهان

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
بالله قلّي لأمتلى صوتي كسور=وشلون اغنّي للسهر والمنافي
وشلون اقسّمني دفا حرف وشْعور=وانا ارتجف حرف وشعور واشافي
وشلون ابزرعني على سمع جمهور=بالرغم من قيض الضما والسوافي
وشلون اببعث من رميم المسا نور=والصبح في رمش اسهد العين غافي
هذا الغياب اللي ملا صمتي حضور=من صرت ذنبه ماكفر باقترافي
علمني ابني في صحار العمر دور=موطن عقب منفى الضما والتجافي
وانفخ بجدب الذاكرة روح وتْثور=بحر ونوارس راحلين ومرافي
هذا انا ياصاحب الشمس مسرور=في ظلّي اللي مايملّ اعتكافي
كم مرني من حرقة الشمس مشهور=تبّاع شمسٍ ينطح القيض حافي
وكم مرني من يتبع البرق مقهور=تبّاع ومضٍ يحسب البرق وافي
ذرني اهيم بغيبتي مابي ظهور=اغيب به عن حرفتي واحترافي
دامي غصن مورق يغازلْه عصفور=يبطي خريف الشعر يتبع جفافي
اجرّ صوتي لأمتلى صوتي كْسور=واجبر كسور اهل السهر والمنافي[/poem]

ايه ايه هذا هو الشعر
وهذا هو المتعب / متعب
أين أنتم أيها اللاهثون في صحار الشعر للبحث عن المختلف والمشتبه في آن
هلموا إلى حاجتكم فقد حان قطافها من مخيلة المتعب / متعب السبهان
مثل هذا الشعر يجب أن يبقى في المقدمة لأنه لا يليق به إلا هي
ومن لم يرى بذلك فعليه مراجعة ذائقته وخلفيته عن الشعر
الحبيب متعب كل عام وأنت أيها النبيل بخير
تطول الأيام بيننا حتى يؤشك اليأس أن تشرئب رقبته للنصر إلا أنك قادرا وأي قادر على تحطيم طموحه بمثل هذا الحضور
مرحا لك يا صاحبي حتى لو اشرأبت رقبة اليأس فلن يظفر بحول الله
لك من الصدر جله ومن الحال كله