[أنثى جموح]

يـَ هالفرقى تهدّ الحيل
وتسكن بي
مع اعتابي : بجنب الليل
واتعابي : تشيله شيل
وتفضحني !


صعب ان حنيني يملك احساس مستور
.................... فرقى غريمي : بـيّحت كـــلّ ســدّي

ماني على رجوى ضيا العين مجبور
.................... دام الـحـزن أرخـى سـتـارات ودّي

فيني من اضلاع الغلا شي مكسور
.................... وفيني من اللي ما طرى فبال جدي

آنا ليا من جا معي الحظ مبتور
.................... أقطع وصالٍ ما لقى فـ يوم مدي

حدّي إلى مني تماديت : محسور
.................... لو حسرتي توصل من المدّ حدّي

صعب ان عيوني تملك احساس مستور
.................... فرقى غريمي : بـيّحت كـــلّ ســدّي