[إغفاءة حلم]

الليله أكثر ليلة أحتاج قربي
.............. كم لي وأنا محتاجني لكن اروح

من كنت اسولف لا خذى الليل دربي
............. وانا اسمع انفاسي خطاوي ولا ابوح

لن الحنين اليا خذاني كفر بي
............. ياقف على جال المعاليق وينوح

ولن الوجع ما يرحم اليا كثر بي
............. وانا اعرفه لا وسّم بصدري يفوح

اخاااف اقول إن الوفا ما غدر بي
............واخااااف اقول إنه غدربي ومسموح

الدمع صوت العين ياما سهر بي
............ وياما تواعدنا على مفرق الروح

وياما تشحذت المدى وقلت طر بي
......... طر بي يديني مقطّعه وصدري جروح

أتعس ألم لا صرت بأكلي وشربي
.......... أدمع وأحمد الله على الدمع واروح

المختلف : صالح العبدالكريم ..