موجع الجرح القديم
وما يناديلك ( شِفا )
تلتفت صوب السنين
وْ يحترق عمرك : أفا !
الأمل ، والحلم ، والتاريخ : أي !
والوجع ، والشوق والمفقود : آه !
والشفاه
ما لقت قطرات مي !
والكلام بـ داخل الصدر : بـ سماه الفي
وين ينزل ؟
وبـ سماه الفي ..؟
وين؟
يا حسافه
يوم عدّينا مسافه
مو قليله ،
يوم علّقنا النوايا من بعيد
وْ لا كلافه !
والخُطى صارت أماني
مستحيلة !
يا حسافة !
؛
موجع الجرح القديم
وْ ما يناديلك ( شِفا )
تلتفت صوب السنين
وْ يحترق عمرك : أفا !