[سعيد الموسى]

مشهد [ 1 ]
*
ـــ
*
تهندم ...
جزّ من غصنه !
ورشّ الزهر في
كونـه !
تهندم !
وإبتسم ثغره !
دقايق هالوعد ... أبطت !

.
.
مشهد [ 2 ]
*
ــــ
*
تهندم ...
راجع أشعاره !
حفظ بيتين
بـ أزراره !
مشى لين
أول الموعد !
مشى والشوق به
يرعد !
يتمتم
... وبـْ يِده ورده !
عسى تفرح
بهالورده !
أنا أدري وش كثر وديّ
ياليت النجم ذا
عندي
وابلوّر نوره
قلاده !
والبّسها
... وأعانقها !
ولكن يازمن .. يـ لله
عسى ترضى
بهالورده !
.
.
مشهد [ 3 ]
*
ـــ
*
وقف
في آخر الشارع !
وقلبه
أول الشارع !
يناظر
كل خلق الله !
ـ يدوّر غيمة ٍ
تمشي !
.
.
مشهد [ 4 ]
*
ـــ
*
وقف ...
حتى وقف طوله !
ــ رمى من إيده
الساعه !
ــ وقال الثانيه : تكذب !
أكيد الثانيه : تعذل !
أكيد الثانيه / تسرف !
بعد ماشارف الموعد !
بعد باقي لها ساعه !
لعل إني أسابقها
لعل ....
وتسقط الدمعه !
تواسي خدّه
... وثغره !
كأن الدمعه : الأصدق !
تقول لحزنه : الساعه !
مضت ساعات
تنطرها !
عسى لك موعدٍ
ثاني !
.
.
[ إستدراك أخير ]
*
ـــ
*
عرف إن الوعد
كاذب !
وطاحت من يده
ورده !
ركلها
وإلتقط حزنه !
وهذا آخر
الموعد !