شـ غني لك !
وش أعزف لك ؟
وإنت ِ عزفة ٍ
بيضا
وإنتِ للحروف
الما !
شـ غني لك ؟
وش أعزف لك ؟
أشوف بعينك الدنيا
كثير
أحلى من الاشيا ..
شـ غني لك ؟
وإنتِ زهرة الدنيا !
وإنت غنوتي
واحلى
وإنت لحن
يتغنى !
.
.
أحس إن الحكي
أجمل
لأنك أجمل
الأجمل !
أحسه حيييييييييييل يتغنى !
ويتباهى
ويتهندم
ويتغندر
ويتلعثم !
أنا ماقلت لك ... شـ احكي ؟
أنا وشلون أغني لك ! ؟
تضيع بعينك
الحاني !
تطير لخدك
أشجاني !
تصافح طهرك ... ورمشك !
تشاغب شعرك
وعينك !
تطير ... تغرّد
تغني !
وتوقف عند شباكك
وتعزف لك
ـ تحلّق بك
وتبحر بك
ـ إلى خدك !
تسافر بك
إلى عيني !
هنا
مابين كفيّني !
.
.
.
انا في كفّي اليمنى !
سحاب وغيمة ٍ
تعزف !
وأنا في كفيّ اليسرى !
بقايا عطرك
.... ورسمك !
أميّل كل كفيني ! ؟
ـــ تعالي شوفي إيديني !
أنا أول شاعرٍ يعزف
وهو يبذر لك الكلمه !
وآنا آخر شاعرٍ
يرسم
ورسمه لحن يتهندم !
أنا طيرك
وانا قلبك
وانا طفلك
وانا ذاتك !
وأنا عصفورك الأجمل !
وأنا من هو يغني لك !
وتحسدك
البشر أجمع !
.
.
شــ غني لك ؟
بــ غنّي بك !
