كيبورديه صباحيه لمصافحة قلوبكم 
من طلتك يا صبح قطر الندى سال
على جبين الياسمين ويميني
كن الندى خجلان منّك ولا قال
وشلون أمّرح ليلته في يديني
ليل انتظارك صعب/ لحظاته طوال
تنام / واسهر مع شوارع حنيني
حتى ملامح حيّنا تقل تمثال
ساكن ولا يعرف يقبّل جبيني
واصحابي اللي كبّروا وصاروا اطلال !
علمي بصحبتهم من اول سنيني
ماني أنا والليل صحبه ولو طال
أدفع مقابل سهرته دمع عيني
يعني وحيد وكل ماحولي اشكال
توحي ظلام وغربة ٍ تشتهيني
ما عدت احب الشال لا تلبس الشال
دامك اذا( زتيت) شالك تجيني