[متعب السبهان]

[poem=font=",5,black,normal,normal" bkcolor="transparent" bkimage="" border="none,4," type=2 line=0 align=right use=ex num="0,black""]
عذرا ,,,فأنا مقصر كثيرا بحق هذا المكان
متواضعه ,,علّها تشفع لي

/
/
/
/




صاحبي والليل لاعيّا ينام=ولوّحت بالذاكرة كف الرحيل
ارسم احساسك على الظلما مدام=خابر ان الليل لاشتّا طويل
صاحبي والليل عداه الملام=(دام له ميعاد مازاره خليل)
صاحبي كم لي وانا ماني تمام=اسألك وادري جوابي مستحيل
/
/
/
/

ياكثر ماعشمته بصدق الاحباب=نفسي,,ولكن بالاخير خْذلوني
كم راودتني بالتجاهل بمرقاب=فقدٍ عليه اطلال من فارقوني
يانفس,,ماينقص تباريحي عتاب=كافي تباريح السهر في جفوني
من فارقوني في رجا وصلهم شاب=هم نفسهم بغيابهم شيّبوني
كنت افرش جفوني والحّفهم اهداب=وازرع حنين طيوفهم في عيوني
كنت احتضنهم كل مازادوا غياب=لين بتباريح الغياب هْجدوني
راحوا جموع وخلوا بصدري اصحاب=راحوا وكل اللي بصدري بكوني
ياليتهم من قبل يقفون غيّاب=من ذكريات طيوفهم خلّصوني
تعبت امني غصني بعودة اسراب=والياس يورق باليباس بغصوني
تعبت اغنّي كل ما مرّ زرياب=في غربتي واللي بها وطّنوني
تعبت اعدّ اسماؤهم مثل الاقراب=واعيش مع كذبات الاسما بدوني
واليوم مرّوني على رحل الاغراب=مترادفين اطيب رواحل ظعوني
كم وجه اعرفه مرّ في زول هيّاب=له روح تشبه ناسي اللي نسوني
يانفس واصحاب مرّوا اجناب=اجهل بهم لو كلّهم يعرفوني
من بدّلوا بأجسادهم(روح)الاحباب=بدّلتهم بطيوف تسكن عيوني
/
/
/
/
الفقد راحه للقلوب احيان=حزنٍ يفجّ ظلوع ساجنْته
ومن الغلا مايشبه القضبان=لاخان شخص,,تموت ماخنته
البارحة كان الرحى (نسيان)=واحبابي من (القمح)غير انته
كنت النخل والله ,,,والاغصان=وكان الحزن رايق ,,وسلطنْته
/
/
/



شكرا لكل من مرّ من هنا
[/poem]