[خلف المهيلان]

المشاركة الأصلية كتبت بواسطة تفاصيل منسيه

السلام عليكم ورحمة الله وبركاته

صباحكم / مسائكم..رضا وإيمان..وسعاده

إرتجاليه بسيطه لعيونكم..
أتمنى أن تنال ولو بعضا من إستحسان من يقراءها..هنا..

أقول::

ماعاد يغـْريني (ضيا الفجر) لي لآح
كل شيّ فاقد نكـْهته في عيوني

حتى البشر ماشوفهم غير أشـْباح
وظـْلال سوده عقـْبك تلفّ كوني

كنت آتصور فاقد العقل مرْتاح
لين التعب شوّه معالم جنوني

كلْ ماعشقت إنـْسان وإشـْتقـْت لهْ راح
واللي جمعـْت شـْتاتهم بعـْثروني

ياسهم طايح مـ / ـرْتجي منـّك أرْباح
لا ماخسرتك _ بسّ _ خابت ظنوني

لو كنت ناوي تثـْخن القلب بجـْراح
مليون قبـْلك حاولو يجـْرحوني

منته الوحيد اللي رقى بـْعيني وْ طاح
منـْها..ولانـْته أوّل اللي خـْذلوني

لآ تتـّخذ من (عاطفة قلبي) سْلاح
تضْغط بها ع اللي بقى من شجوني

لي قلب وافي ,,تعـْرفه زين ياصاح
لو غيّروك الناس ماغـيـّروني

...................

وسلامتكم

نص كتب بتلقائيه وبراءه يعلوه صوته الوفاء والحنين وجداني رائع
كنتي ومازلتي مدهشه ومبدعه
وشامخه حد التلال وكبيرياء النخيل وارفه بقطوف مشاعرك ووهج شوقك مضيه ايه النقيه
شكراً لهذا الطهروالوفاء الي يسكنك
ودمتي بود وغلا