ما نسيتك
كلما مريت في ذيك الحواري
أشعل أنفاسي على بابك حنين
أسمعك .. تسألني عني
أذكر اني
كنت ألعب ..
لعبة الترحال وابعد
ولما أرجع
كنت تسأل ..
وين كنتي .. ليه غبتي ما تجين
كنت أسولف
بس ما تسمع كلامي
كنت غايب إلا عني
واذكر اني
كنت أسابق لهفتي
واختصرها بكلمتين ..
ما أحبك .. روح عني
كنت تضحك .. تحتضني
واسمعك تهمس بـ إذني
حبيبتي ..
أكيد كنتي تمزحين
وافترقنا
مثل باقي العاشقين
ما بقى معنا لـ بكره
غير ذكرى
تشعل أنفاس الحنين ..