[فهد الغبين]

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
فز القصيـدوقال عجل بي الحين=لا توقف الا بالشواهيق فيِّه
قلت السبب قال امش بعدين بعدين=خل السوال الحين واخلص عليه
قلت انت تامر قال حضرت بيتين=لعيون حر ينتخي بالسميه
قلت النخاوي حضروها لي الفين=مدبولة(ن) في الف ميه بميه
ابشر بعزك يابن عم السلاطين=من نجد دار المجد عندك حميه
ولدار ابن صباح زبن المجنين=اخوان مريم من زبنهم بفييه
ولحد بحرين الخليفه نياشين=تعلن بان الحكم للوايلييه
ماهو جديد الا من الماضي الشين=وحنا ملوك الارض بالجاهليه
اول ملك بالعرب في ماضي سنين=ملك ملك يوم الممالك عصيه
كليب ابن وايل كتام المعادين=والزير سالم راعي القاسميه
ساروا على التبع رجال ميامين=وكلن يقول العلم خلو لييه
وسل المهند جدنا وانتهض لين=خلا اليمن من دون حاكم خطيه
ومن يوم حصه صوتت لبوا الدين=حتى تزغرت بالمقام عنزيه
تجمعوا مثل الحرار الشياهين=وكلن يسابق بالمعالي خوييه
حتى تسيدنا على الكل من حين = بالسيف الاملح يومها عنجهيه
واليوم يوم الجود مانقبل الشين=نجزي هل المعروف نعم الجزيه
امن وامان مكمله ربي الدين=في حكم ويلان الكرم للبرييه
منا ابو متعب دابل الصاع صاعين=راع اليمين اللي تمد العطيه
زيزوم نجد اللي له الشعب وافين=ابو اليتامى سيدي مين زييه
شعارنا النخلة وبالحد سيفين=للي يميل ويهتوي للخطييه
ومنا اخو مريم راعي الطيب نعمين=صباح ملغيره صباح هنييه
وحمد حمدنا حاكم وسط بحرين=ابن الخليفه راعي الطيب حييه
قال انت جدك ماذكرته الي الحين=قلت المفاخر كلها وايلييه
قال انت يابن غبين وش قلت بـغـبين=قلت العلوم الماضيه هي كفيه
قال العطيه قلت لاتذكر الزين=خل الفعول اتقول مافي فيه
قال الشيوخ شيوخ وانتم قديمين=يوم ًعلى الويلان شيخة نقيه
قلت الشيوخ اليوم ربعي ونعمين=شيخ الشيوخ اللي يخلص خويه
والنعم في الباقيين من دون تفنيين=رجالهم لا انعد ينعـد مييه
قال اوقف اوقف قلت ياشين ماشين=الوايلي جاب الفخر وايلييه
وجيتك ولاادري كيف من وين وال وين=لكنها جتك الحروف ابجدييه
اسلم وسلم يابن عم السلاطين=الا عنزه كل قوم ماهييه خطييه
[/poem]