//
أدركيني يا البقايا الباقية
............. زمّليني بالأمل علّه يدوم
وارسلي لي من ربيعك جالية
............. تدرك المعنى من انواع السموم!
جنني فيني الهموم البالية
............. سرّحيها للتردد والوجوم
ملّني صبري وانا اللي عالية
............. فوق راس الهم عمّرت الغيوم
جيت للمعنى حروفي دالية
............. ترتجي مني صياغتها تدوم
ما طلبت الا ليالي حالية
............. من بعد عمرٍ تنصّته الهموم
شمّري الساعد وشدّي حباليه
............. طَلْبتي فزعة وانا بنت القروم
وان تمنّعتي وقلتي ما لِيَه
............. قلت مشكورة .. فلي ربٍ يدوم
//
منار عبدالعزيز – القمرا
نشرت في جريدة الوطن البحرينية - مايو 2012
//