أجيك / من التعب بيت ٍ .. تشقق.. وجه جدرانه
دموعة ماعجبها إسم [التراب ].. وغيرَتْه لـ [ طين ]
أجيك / أسحب معي هاك البَحْر .. موجه وقيعانه
لجل لامن سألتي .. ويش جابك ؟؟ قلت : ملح سنين
أجيك / من التعب .. وإلاّ العتب .. قد عدّت آزمانه
تعلقت بشعر خيل الهبــوب اللي .. لكدها .. البين
جدعت " أسمي " في فمّ أم ٍ .. تهجّى المُرّ : رمانة
عشان أتعكرف برجل الجــواب لباب .. ينشد : مين ؟؟
{ أنا }
أنا اللي من لبستي ثوب خدّه .. طاحت أردانه :
مناديل ٍ .. تثاقل حملها .. من عقب .. ضمّـة عين
وأنا اللي تحتري سود المنايا .. دلّة أكفانة
مدام الجرح بيتي .. وأشعث همومك .. بدو .. لافين