هنا وبين أياديكم أول نص حقيقي لـ بندر الخزمري :*
أنا يا بنت جيتكِ صادقٍ والصدق له أبواب
اثاري الصدق ما ينفع .. ولا تنفعني ابوابه
انا يومي نطقت اسمكِ جبرني نطقه الإعجاب
لأن قلبي نطق أسمكِ تحمل ذنب اعجابه
انا كنّي قريت فـ عينكِ اليمنى كلام احباب*
وشفت فـ عينكِ اليسرى كلامٍ يصعب اعرابه*
عجيبه دنيتي والله حال الناس فيها اعجاب*
نكذب من صدق معنا .. نصدقه ناس كذابه
تخيلتكِ معي دايم وانا احكي للهوى اصحاب*
تخيلتكِ تغنٌي لي غنى الجندول للغابه
تخيلتكِ على كوكب غرامٍ يجمع الغيّاب *
تداوين القلوب اللي بلاها همّ متشابه*
ولكن دون وصلكِ فـ الغرام تقطّعت أسباب*
مثل ما تضني الدنيا طفل وتقطّع ا ثيابه*
انا لاجلكِ ابيع الكون .. ولأجلكِ ابيع اقراب*
ابيكِ الكون .. *ابيكِ الناس .. والخفاف واحبابه*
انا صادق معكِ مانيب شخصٍ خادعٍ كذاب*
وقدامكِ حياتي لو تبين الصدق وابوابه*