من زعلك في عيونك السود نظره
لا شفتها حسيت بالحزن والياس
من زعلك طاحت من الليل قمره
خلت طريقي من المواعيد والناس
لو هو انا بالله شوفيني مره
وأنا أعتذر للتبر للدر للماس
أبعتذر لنجومها في المجره
وللما القراح اللي شربته من الكاس
حبيبتي أرجوك في القلب حسره
كافي زعل اشغلتي الفكر هوجاس
والله لو تدرين ها الحب جمرة
بين الضلوع تشب من حر الأنفاس
غديت طفل ضايع فيه عبره
محد سأل وشفيه ماقال لا باس
وهذا الغرام الله يكفيني شره
بعيش أحساسه وباموت أحساس
[ لايكتبها إلا : البدر طبعاً ]