بسم الله الرحمن الرحيم
عودة بسيطة لعلها تعذرني منكم ..
والفجر يسرق من جفون الدجى نعاس
طلت وأزاح النور ليل الزوايا
:
بلورة ٍ مسجورة بهالة ألماس
هزت مفاتنها خفوق المرايا
:
مضغة سحر بوصوفها قطف الانفاس
وبكفوفها الأنفاس ترجع هدايا
:
غرهد لها عاتق وتر رقة أحساس
هامت به الجدات قبل الصبايا
:
هزت عروش النور خطواتها اجراس
بلقيس واللي حاظرين الرعايا
:
حلكة جدايلها عطت ليلهم فاس
تحطب لهم بياض ستر العرايا
:
من طهرها تنفث لهم دون مقياس
لين استحى وجه العطا والخطايا
:
فجت صدر حزن القرايب بنسناس
من مدهل الغيرة رجع بالسبايا
:
أسداسهم بالجور لو زادت أخماس
وصح الصحيح الرزق وفق النوايا
:
علقم نواياهم سقطري ملا الكاس
منها أنقلب قرهود وأروى الشفايا
:
منها تغشا احقادهم جنح خرماس
من صبحها ياما تهون الرزايا
:
في ضفها عن سطوة الباس حراس
أنظار احبتها سيوف المنايا
:
حتى وريثتها من الساس للساس
سبحان مستنسخ طبوع ومزايا
:
عسى يزف لها الهنا موت الأتعاس
ماتخون ضحكتها بياض الثنايا
:
هذي نفايس مثل الأنفس والانفاس
تخليدهن سره هلاك البرايا
:
داخل مغن الذات مابين الأقواس
في مفترق توق المُنى والمنايا
:
الروقي .. ن ..