اقتباس:
المشاركة الأصلية كتبت بواسطة عبدالناصر السديري 
اقتباس:
المشاركة الأصلية كتبت بواسطة محمد عيضه
ياراعي السواق ...لاجل المقابيل
سواقكم بالله رده بلاده
صحيح سواقك صميدع وحلحيل
لكن مايملك فنون القيادة
لاهايطوا فيه الرجال المهابيل
طمّح بلا تفكير وبلا هوادة
والمرحلة ماهيب ياعين ياليل
والموت في الطرقات ماهو شهادة
افزع لنا في المقبلات المجاهيل
يفزع لك الله يوم يحشر عباده
وان كان خليته فحنا مقاتيل
سبة محاباتك وسبة عناده
لو سامحتك اجيال بيسامحك جيل
مايعرف اصحاب السمو والسعادة
وان كان تبغاها دلال ومعاميل
وامثال معتادة على غير عادة
(شرب المصايب غير شرب الفناجيل)
من يقنع العربان في كل جادة
(والقهوة اللي ماتبهر من الهيل)
مثل الغشيم اللي يحب القيادة
ليتك قبل ترميه في وادي السيل
(صبرت له عامين والا..) زيادة..!
فقط
شكرا لكم
يا سلام دهشه لاتنتهي الله على القصيدة وعلى التورية والسبك اللي يوصل المعنى والهدف بكل سلاسه وأبداع ومع ذلك الشاعر بري من القصد , هذا عدا الشاعريه والجمال والحكم في القصيدة
أمتعتنا يا مبدع
تسلم وتبقى أستاذ عبدالناصر
يسعدني تلقيك للنص بهذا الشكل
شكرا من الأعماق