[عوض الظامي]

مادام هالليل طيب وابن ناس و حنون

....................................... يسعد مسا نور خدينك ويسعد مساك

أبقترب مد لي .. خاطرك حتى نكون _

................................... أقرب مــن الحلم لعيوني أنا في شفاك !!

ومن مثلها شفاك ياعذب الصبا والشجون

................................... تغري .. وهمساتها تذبـــح ..ويذبح غلاك

هي نصف ورده وانا أنصاف عشق وغصون

.................................. هي شي يوصف ولا يوصل مداك وحلاك

وعيونك البحر أو هي النجاه العيون

...................................... مدري ! ولكن أنا لو (رحت فيها) فداك

تصدق اني مع اني ما أعرف السجون

....................................... أشعر بأني وسط حب وغرام وشباك

ولا اقول لك أعتق الخافق وخله يخون _

................................ أرضك.. ولكن أمانه أطلقه في سمــــــاك

واسهر معي يابعد حزني وخل الجنون

.............................. يشرب ظما لهفتي وان رحت خذني معاك ...